مبروك يا نايـف وكـل التباريـك
مبروك ما سوّيت وانسرّت الحـال
مبروك ويا عسى المعـزّه تباريـك
ويزيدك ربّك من جزيلات الآفضال
كمّلت نص الدّين بْنـص ٍ يماريـك
عساها وجه ٍ للسّعَد حِـل وترحـال
سبحان رب ٍ سدّدك فـي مقاريـك
منْها العيال ومنْك يالنّشمـي المـال
كل ٍ شهد لـك والجـداره تجاريـك
ياللي المعالي مسكن ٍ لـك ومنـزال
عز الله من عطاك بنتـه وشاريـك
يعرف قِدَرْك اللي يساوي له ارجَال
هذا النّسيب اللي يْتوسّـم بطاريـك
النظره عنده ثاقبه ~ الحـق ينقـال
يوم الفرح ~ علا على المجد ساريك
وكل ٍ فرح بك من عمام ٍ مع آخوال
والعز ساري في عمـوم المداريـك
متوقعينـه فـي مصاديـر مدهـال
عساها تبقى بصمة ٍ فـي مذاريـك
وعسى الله يبعد كل هـم ٍ وغربـال
بحر المودّه ترتفـع بـه صواريـك
و عين ربّك تحْرِسِك دون الآنـذال
لآجلك أنا أكتب قصيـدي وآداريك
ياللي قصيدي يفتخـر بـك ولا زال
وعساك بدروب المفاخِر مشاريـك
وكل يوم ٍ فـي فـرح دوم منـوال
وعلى يديك اتحقق غايـة محاريـك
ونشوفك يا نايف على الخيـر دلاّل
حيثك فطين وناجح وذي جواريـك
لك منهج ٍ واضح كما سيرة آبطـال
نطلبك يا ربي يا منشي المطاريـك
تزيد من فضلك على راحـة البـال
وصلاة ربّنا اللـي مالـه شواريـك
على نبيّه والصّحَـب وآيضـاً الآل
’،
جوهر الراوي
جوهر الراوي
اولا الف مبروك زواج ولد عمك وعقبالك
ثانيا ابيات رائعه كروعة حضورك
صح السانك واعتلى شانك
تحيتي لك