تقولي وش فيك سارح يارفيقـي وش بـلاك@فظفظ عن اللي داخلك همك يروح إليا بديـت
أضحك وسولف وأنبسط خل أكثر همومك وراك@وأنا أدري أنك بالذي في وسط قلبي مادريـت
ياصاحبي يسعد صباحك ربي ويسعـد مسـاك@خل الخوافي خافيه مابي مـن الهـم أكتفيـت
كلمة لعل ولا عسى ماورثـت غيـر الهـلاك@ماينفعك لاطافت الفرصه عليك اتقـول ليـت
أكبر مصيبه يارفيقي فقـدة أنسانـن هـواك@جسمك على وجه البسيطه لكن انك شبه ميت
أنا هنا معـك لكنـي بالأصـل مانـي معـاك@مع واحداً رغم المفارق عن غرامه ماسليـت
لاقلت له أنـي احبـه قـال يكفينـي غـلاك@وانا ادري صدوف الليالي تبعدك لو لك وفيـت
إيميزك عندي دلعك وزود عقلـك مـع حيـاك@والشفه اللي هرجها يقطر عسل لامن حكيـت
لبيه ثم لبيه ياهرجـن نطقتـه مـن شفـاك@يادرتن مكنونتن لـو جيـت أبيهـا ماقويـت
يردني عنها الحيـا وعيـون ذاك وهـرج ذاك@والشجره اللي مالنا فيهـا مقيـل ولا مبيـت
ياطاهر المنسب عسى عمري بدنيانـا فـداك@لاني أنا في حبكم من خمسة اعـوام أبتليـت
لاقلت للقلب أتركـه يـرد لـي مـاذا دهـاك@وشلون تترك من عطيته عهد حُبك ماحييـت
لاجل كذا ياصاحبي معـك ولا عـدي معـاك@لاني مع اللي حط له في مهجتي ياخوي بيـت
واللحين أباعلمك في بيتـن واظنـه ماخفـاك@بيتن إليا مني سمعته فيـه يالذيـب أكتفيـت
وعزالله انه صادقن يالبيت هـذا مـن بـداك((كلن على همه سرا وأنا على همي سريت))
كلمات
سعد الهبداني
;gk ugn ili svh?!!!! ;gk ugn ili svh?!!!!