السلام عليكم ورحمة الله وبركاته
أعضاء وزوار منتديات شبكة الشموخ الأدبية
تحية عطرة وبعد ،
أود أن أشارككم بأحد القصائد القريبة من النفس لشاعر جميل
وأعجبتني أولا فكرة القصيدة ... وهي أن الإنسان يرثي نفسه
الشاعر : جابر بن هايف الروقي العتيبي
في قصيدته الرائعة ... والتي أحزنت قلبي كثيرا ... يــــــا بـــــوي
يابويه ليه تبكي كل ماشفتـك وعـــينـك لـــــي = تــــــخاف أموت يابويه وقبل المـوت تبكينـي
كفا يابوي لاتبكي وأنا موجود مــعــك وحـــــي = أجل بعد الرحيل أشلون في قبري توطينـي
يابويه لو تموت الناس ماتسوى دمــوعــك ذي = وانا يـــــابوي ميت قبل أموت وأنـت محيينـي
قسم بالله يابويه لجل عينك شربـت الــــــغـي = جرعت الـــهم والحرمان وبحر الويل يسقيني
تحملت السنين اللي طوتني في عذابي طي = وصار الجمــــر بكفوفي وتحت أقدام رجلينـي
يابويه ماعلى عمري حسافه ولابقــابي شـي = ولكـن بــــطـلبـك يابـوي تكـــفـا لاتخــلـيـنـــي
يابويه ماابي غيرك يغسـل جثتـي بــــــــالمـي = وتكفا قبــــل لاأتــــكفـن يابويـه فكلّـي عينـي
بأمر الله يمكن ألمحك وأرحل في عينــي ضي = وودع وجهك الطاهــــــــر مع دنيـاي وسنينـي
وخل الناس تحملني وترفع راسي ورجــــــلـي = وتاخذني على قبري وتــكــسب أجرها فينـي
واذا جيت القبر يابوي نزلني شوي شـــــــــوي = ووجهــنـي لبيـت الله وقبلــــــة المصــليـنـــي
واذا تقدر أبي صـــــــــــورتك أمانه حطهـا بيـدي = لعـل الله يشفــعلـي اذا صــــورتـك بيديـــنـي
وحط الطين وادفني وعـــــــــز اللي يعـزي فـي = ثـــلاث أيـام يابويـه يــجونـك الـمـــــــعزيــنـي
ورابع يوم يابويه تذكـر ضحكتــــــــــــــي وعنـي = تذكر ويش كنت أقول يـوم أنـك تنـــــــادينـــــي
تذكر يوم كنت انام في ظل النخـل والـفــــــــي = تجي يمي تصب الما على وجهي وتـــصحيني
تذكر جر الموال وصوت في حـــــــــــــبالـه كـي = تذكر يوم أغني لك قصيدي وانت توحيــــــــنـي
تذكر ضحكتك لاقلتلك يابوي عـشــــــــقـي هي = تذكر كم قصيـدهـ خافيـه مابــينـك وبـيـــــــنـي
تذكر كل شي ٍ كان وأذكر يوم جابــــــــــــر حـي = ولكـن أسألـك بالله يابـــويـه لاتـــبـــــــــكيـنـي
فإليكم القصيدة ... بصوت شاعرها ....جابر بن هايف الروقي العتيبي
فلا تحرموني ... بإبداء الرأي ... بتلك الكلمات
هذا وتقبلوا مني أغلى تحية .... فـيـلـســوف الـكــويــت