شبكة الشموخ الأدبية - عرض مشاركة واحدة

خالد السهلي · 06-12-2011, 12:02 PM

اقتباس:

المشاركة الأصلية كتبت بواسطة جوهر الراوي

ومن منا لا يحن للماضي يا بو بدر

لله درك ودر الماضي الجميل .!

’،

الله على آيام ٍ مضـت يـا خسـاره
وقت ٍ مضى مبطي ولا آظنه يْعـود

في وقت كان الجار أخـو ٍ لجـاره
والطيْب معطوف ٍ على الخير والجود

والود بين النـاس صنـو التجـاره
والعِرف بين الخلق ماهو بمجحـود

وكلمـة الرجّـال بنـت ٍ لآفكـاره
لا قالها تثْبـت ولا تنقـض عْهـود

وكبير السّـن فيـه سمْـت وْوقـاره
كـل ٍ يجلّـه لا ولا فيـه منـقـود

والطفل امْحدّداً لـه سكّـة مسـاره
بالتربيه الحسْنه عليهـا مـن مْهـود

والحُرمه ترعى بيتها بْكـل شطـاره
لعيالهـا تبـذل لهـم كـل مجهـود

وكل صبي امصاحب عيـال حـاره
كما الآخـوان ولا يفرّقهـم صْـدود

وحصه وتهاني مع جواهر وسـاره
ومنيره ونوره ومزنـه مـع نْجـود

والضيف ضيف الله و زايـر لـداره
له الكرامـه والحشيمـه علـى زود

يلقى ترحيب ٍ مـع جميـل العبـاره
يا مرحبا ويا مسهلا سْهـود ومْهـود

له جلسة ٍ فـي مجلسـه بالصـداره
مع دلة الرسـلان والقـدع مزنـود

يعطيهم الآخبـار وينفـض غْبـاره
طبيعة الخـلان يرقـى بهـا سْنـود

نالوا المعالـي كلهـا عـن جـداره
وآمثالهم فـي وقتنـا شِبْـه مفقـود
’،
بقلم :

جوهر الراوي

عاد انت ياجوهر عشت ماضي اليم بطريف ههههههههه والحين صرت من شيبان الروله