 الكلمة اللي تضايقنا
هالمرة ابيات لغيري ارتقت لذائقتي
اتمنى ان ترتقي لاطراف ذائقتكم
الابيات لسعيد بن ناصر القحطاني
الكلمة اللي تضايقنا نعديها
وإن جاتنا من سفيه العقل طنشنا
مادام نقدر نمشيها .. نمشيها
من خوف نبلش مع الجاهل ويبلشنا
لو كل عوجا تجينا نلتفت فيها
ماكان نمشي مع العالم ولاعشنا
وإنكان مالله هداها كيف نهديها
مافيه داعي نناقشها وتناقشنا
ناسٍ تخاشرك في مالك وتعطيها
ولاشبعت تقول : وش بفلان مدوشنا
ومهما تحاول جميع الناس ترضيها
لابد من يشكر أفعالك ومن يشنا
وأجرك على الله محيي الخلق ومفنيها
الأجر يبقى ويفنا كل ما حشنا
وسلامتكم
جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
عادل بوبدر - القسم :
منتدى التراث والمنقول
- رابط الموضوع الأصلي : الكلمة اللي تضايقنا |