شبكة الشموخ الأدبية - عرض مشاركة واحدة

توأم روحي · 05-15-2011, 11:50 PM

بنت السناعيس

اخفيت شوقي من لمحتك مع الناس
وازريت اداري والليالـي معابيـس
لين انطلق من داخلي عذب الانفاس
يرسم معاني فالشعر لك احاسيـس
واليوم انا بيحت لك سد الاحسـاس
عذبٍ زلالٍ فيـه هـب النسانيـس
لاتحسبنه شعـر يكتـب بقرطـاس
اللي يعيب القول كثـر المطاريـس
اللي تمايـل فالغلاماهـو نومـاس
يثني علي درب المحبـه تماليـس
يصب لك ريق الغلاكاسٍ ورى كاس
هذا الهوى لو ذاق عذب التوانيـس
حكمتني يازيين حكمك علي الراس
ياسيـدي يازيـن كـل المجاليـس
لوتبتعد عني ترى ذقـت الاتعـاس
والفكريلطم من فجـوج المنافيـس
وان جيتني تبقى كما لمعه المـاس
انسان راقي عن جميـع الدنافيـس
لك هيبةٍ ثارت علي الوقت من بأس
حـرٍ ليادبـت عليـه النوامـيـس
ولوغبت عني في دجى الليل انحاس
وليالفتنـي مـن طيوفـك فوانيـس
انااشهد ان الحب مايعرف اجنـاس
احساس واحد والنوايـا مداسيـس
احدن يشيع الحب في كف قرطاس
واحدن يموت ولايفـك المحابيـس
والقوت مايرحم كما هويـة الفـاس
الياحطب لك من ضلوعي هواجيس
هو صاحبه يبقي علي الوقت نبراس
والاغـدت بـه والليالـي مقابيـس
امسي علي ذكراه واغفي بهوجـاس
وارجع اهوجس به مير العن ابليس
ريحٍ غدت تعصف علي شهقة انفاس
تزفر علي حدب الحنايا محاميـس
انااشهد ان الحب مايعـرف اليـاس
ياتل قلبـي تـل حـر القرانيـس
ليت الغلا ينقـاس فالكـف مقيـاس
تشهد غلاتك يـوم فاقـت مقاييـس
سبحان من سواك ياطيـب السـاس
ياللي سكنت ابقلب بنت السناعيـس
شموخ شمر