عبدالعزيز الفدغوش

سلام يا أهل الوفا والجو زان وصفا = والعلم توه لفا ما راح دم الشهيد
من الشام جانا الخبر عن حال شعب ٍ صبر = والكسر توه جبر ما راح دم الشهيد

مساعد الخالدي ( سمو الشموخ )

البرد ماهو دفا والود ماهو جفا=والنور مهما طفا ماراح دم الشهيد
دنيانا فيها العبروالقلب منها انفطر=ربك يجيب المطر ماراح دم الشهيد

عبدالعزيز الفدغوش

ثارت بلاد ٍ كثير والأمر جدا خطير = والمعتبر بالأخير ما راح دم الشهيد
درعا بدأت بالصوابسنت سيوف وحراب= وجاها المدد والجواب ماراح دم الشهيد

مساعد الخالدي ( سمو الشموخ )

هذاك شيخ وأميرواللي يريده يصير=والغالي قدره كبير ماراح دم الشهيد
الريّس ألقى الخطاب نعق نعوق الغراب=وتاليه جاه الجواب ماراح دم الشهيد

عبدالعزيز الفدغوش

بان الخلل بالنظام شرق وغرب ٍ وشام= والنور يجلي الظلام ما راح دم الشهيد
أسما تركت للبلاد وبشار هد العناد= وتقفي رموز الفساد ما راح دم الشهيد

مساعد الخالدي ( سمو الشموخ )

الظلم والله حرام واللي يعينه يلام=والعين لو هي تنام ما راح دم الشهيد
الشعب يعلن جهاد لتحرير كل العباد=من مستبد البلاد ماراح دم الشهيد

عبدالعزيز الفدغوش

جمعة تحدي وغضب يقوم فيها الشعب = وماهر وقود الحطب ما راح دم الشهيد
للنصر رفرف علم واللي ظلم ما سلم =وشعب ٍ كتب بالقلم ما راح دم الشهيد