تقولين الشعر وينه ؟ وْوين اللي بعد يقرآه .؟ وآنا آقول الشعر لآجلك ولعيونك أنا قلتهأحاول ماآكتبه لكن غصب عني جذبني وْراه
يوم آذكرك في شعري يزيد الشعر منزلته
يعبّر عن شعوري دوم حسي كله ومسراه
لآجل يوفيك لو يقدرحق ٍ جايز آهملته
مُنى عيني ويا حبي وهوى قلبي ويا عطراه
عليم الله إنْ حبك ملك روحي وآنا نلته
وبحر العشق ماله حد يغوصه من سلك مجراه
وآنا بعشقك أيا عشقي سبحته كله وجلته
ومن يجهل فنون الغوص يا حسره ويا خسراه
تصبح كل ظروف الحب عن الآحباب خاذلته
كل عاشق يغني دوم في شعره على مذراه
وآنا غنيت لآجل الحب بشعوري وجمّلته
من ضيّع حبيب القلب يمكن يصدف ويبراه
وغلآ المحبوب في قلبي دثّرته وزمّلته
ومن فارق رفيق ٍ له أكيد إنّه ما داراه
وآنا حبي أبد ما آنساه بذاكرتي أنا شلته
بُعدي عنك يا حبي ترى والله بالإكراه
أخذني الشوق على بُعدك بعد ذلك تعجّلته
أنا ما آمر على قلبي لا والله ولا أطراه
هو اختارك على كيفه وبالإحساس كمّلته
يا كل الحب والآشواق والرغبه وكل ما آراه
لا للهجر~ لا للمكر~ لا للغدر ~ وآمثلته
يا آغلى من بواقي الناس سر الشوق ما أدراه
ملاكي أنتي وعمري يا أصدق شخص عاملته
حد الود بلغ عندي بالوجدان إلى أضراه
وكل حبي منحته لك وبالإخلاص شكّلته
إنتي وبس يا كلي هوى عمري وما آغراه
يا حبٍ راسي بروحي فريد بعيني وفلته
قلبي حَبّك وضمّك وغير الحب ما آوراه
مقامك عالي وشامخ وأنا بالحرف دللته
يآ عُمري وعسى عمرك طويل ٍ والسّعد يبراه
وعهد الحب طول العمر بحول الله واصلته
حبك في ذرى روحى ربي أنشأه وآجراه
وكل صعب ٍ بدرب الحب سهّلته وذلّلته
أنا آشهَد قلبي قد حقّق فيك أهدافه ومثراه
وشهْد الحب هالمعسول بْروحي دوم بللته
الحب أعمى! قالوها! ومن هو ذا اللي قد أزراه!؟
لكنّي أنا مرهف وإذا يدعيني ... ! قابلته .!!!
’،
جوهر الراوي .!