احسب انجوم الليل وافقد عددها=وارجع واعـد انجومها عدت امرار
وليا بديت اعداد فكري نشدها=كــم العــدد في فــكرتك جايــره جار
مثل اليدور حاجت(ن)ماوجدها=ومنهو يعد انجوم السماءاكبار وصغار
من كثـر ماشفت النكـد من مهدها=قامت تـراوى ظلمت الليل بسفار
ومثل الخلوج الي مضيعه والدها=الله يعــين الي مضيع له احــوار
وقـامت تهل العين دمعت نكدها=والخـد يشكي العـين لادمعها سـار
تذرف ادموعن بالمحاجركمدها=وسترسلن من محجر العـين نـثـار
من هو يشيل الظيم وعنك سندها=بهذا الزمن محد درا عنك وش صار
واعــزتي لمن هي خايب سعـــدها=مثل الــذي يطبخ حــديده علي نار
يالله يامنشي اغيومها مع رعـدها=ويارازق الحيه وهي داخل الغــار
تفرج لمن هو ليلته ما رقـدها = ويحسب نجوم الليل بأمرار تكــرار

فواز

اللي يحسب النجوم يعجز يعدها=وما ينفع الانسان في العد تكرار
الله خلقها وهو حاصي عددها = زينة جعل منها مصابيح وانوار
واللي يدوّر حاجته رح يجدها = لا بد واصل كل من عالدرب سار
ما هي نصيحة (و)لا أنا في صددها=(و)لاني من اللي عالبليّات صبّار
(ب)هالقول نفسي عم أداوي كمدها = علّ (و)عساه يكون للضيق عقّار
ما بين اقبال الليالي وصدها =ضيّعت عمري (و)صرت عايش عتذكار
(و)كل يوم عن يوم(ن) أرى الأمر أدها =وافكار تاخذ فيّ وتجيبني افكار
يا ما الدهر في وجهي ابواب سدها =والحظ عاندني بالحاح واصرار
وما بين جزر بحار شوقي ومدها =_يا ما سهرت الليل ل مطلع النهار
أتذكّر اللي غار في القلب ودها = وحيّد وما لي غير النجوم سمّار
مشغول بالي طال عنّي بعدها = وللأن مدري ب حالها شو جرى وصار
عيوني كأنها من جمر من سهدها ==وفي قلبي النهدات بركانها ثار
آعاين نجوم السما من مهدها =تطلع تراوى ظلمة الليل بسفار
واقعد بلا طائل أحاول أعدها =مثل الذي يطبخ حديده على نار
(و)يا ما شجون القلب وصلت لحدها =وصفيت مثل مجنون منه العقل طار
آخايل بروق(ن) تزايد رعدها =حتّى كأنّي واقف بقلب أعصار
وتجري دموعي نهور م اقدر أردها =الله يجازي الشوق شو بيفضح اسرار
الشاعر حياته قاسية (و)صبر بدها=ويا ضامية م انتي وحيدة بهالكار
مثلك أنا الدنيا كوتني (ب)نكدها=الله يعين اللي عليه الزمن جار

ضاامية الود

يامرحبه بالرد عد مانشدها=وعــداد ما بالكـون كل سايرن سار
وعداد مايزرع بذار وحصدها=وعـداد مايجنـون محصول وثمار
هليت ببياتن لفاني رددها=من شاعرن له بالشعر باع وشبار
ابيات جزله في صميمه وجدها=يحذف هزيل القاف ويبدي بالخيار
يشكي زمانن جارح كبدي ولهدها=الله يعين الي علي الجرح صبار
بهذا الزمن دنياك من هو حمدها=وياكثر مـقالو علينا الزمن جـار
شكواي للمعبود وعنده وعدها=يفـرج لمن يشكي من مر المـرار
ما بين كاف ونون يسرع مردها=يرحم اعيونن دمعها دوم نثــار
عينن بكت يا الله تبري رمـدها=ياكـفــلآ مـوسى في قب الابحــار
يارافع سبع السماء بليا عمدها=تبري اجروحن بالضماير لها اذكار

فواز

يا مرحبا بالرد مرّات عدها=يعصى على الأقلام لو بعد تكرار
وعداد ما جنيو ثمار وحصدها =عا عد حبات الحصيدة والبذار
وعداد موجات البحار وزبدها =عا عد ما في رزق في بطون البحار
وعداد ما في الأرض وعلى صعدها=وما في السما نجوم وكواكب وأقمار
ويا مرحبا بالشرّفتني بردّها =يا مرحبا ما تتابع الليل والنهار
وعداد كل من للمساجد قصدها =ومن طاف بالبيت وراح يطوف زوّار
وعداد أوراق الجنان ووردها =عا عد ما فيها فراشات وازهار
وعداد شردات ال بعمره شردها =كل شاعر (و)ما أم لبّه من افكار
هلّت علي بابيات جزله رددها =لمّا لفاني الجو عبّق بالانوار
والنفس فرحت بالتلاقي بندّها =الحر يفرحه التلاقي بالاحرار
مثلي عنزيّة وائلي الأصل جدها =(و)شاعرة وليها بالشعر باع واشبار
بطيب الأصل ربّي حباها ورفدها =بفصل الخطاب وزادها عز وفخار
يحيى البطن اللي حملها (و)ولدها =ويحيى اللي ربّاها على حب الاشعار
مثلي أقول عبارة(ن) مستندها =حيّ(ن) وفي التاريخ للحق إقرار
آني عنزي وباقي أسد من أُسدها =وقول "عنزي" في عُرفنا بند وشعار
هذي شهادة قبل منّي شهدها =جدّي بعد جدّه وانا ف نفس المسار
أصلي بدوي رغم الذي ينتقدها =الناكر لأصله لا أصل له لا مقدار
وما أنتمي إلا لأصولي لوحدها =(ن)دفّى مهو بالدايم الثوب المعار
حنّا عشيرة لعنزة في مردّها=ترجع سلي عنّا وتاتيك الاخبار
عالأصل باقية ما تناست مجدها =ومكللة دوم(ن) بإكليل من غار
سيوف(ن) على الظّلّام ما صام حدّها =ودروع تقي المظلوم من جور الاقدار
اللي تجيره تحسبه من ولدها =بالعمر ما طالت مصيبة لنا جار
ملجا العشاير في الصعاب وسندها =دخيلنا ممنوع من جيش جرّار
مهابيجها بالدق تحكي رعدها =ما زال فيها يُطحن البن وبهار
ودلالها عيون(ن) لكل من وردها =تخالي يسيح النحاس من ملزق النار
ومن كثر ما تألّب الناس ضدها =وخانوا خبزها وملحها سر وجهار
ببيت الاعمى لقّبوها (ل)أخدها =الطايع مع العاصي إذا دمّها فار
معروف عنها في المعارك جلدها =عالضيم لا نصبر ولا نوخّر الثار
نثور لكرامتنا تخالي نعبدها =تقولي القيامة قامت ان عجّنا ثار
وكرمى لها نعوف القصور ورغدها =والدّور نتركها طلول(ن) وآثار
يا ضامية ردّك لنفسي سعدها =يا شاعرة فاقت على كثير شُعّار
أخجلت فيّ تواضعي (و) من عمدها =وشاعر ولي باربع لغات الشعر كار
تبقين بنت عمّي اللي غالي وفدها =(ل)بتزيد للدينار في السبك دينار=
وأهلك هلي رغم المسافة (و)بعدها =ولو بيننا حالت ممالك وأمصار
لو صحّتي ترجع لسابق عهدها =لانسى السيارات وآلات المطار
واطلع أعنّ المعنقيّة (و)أهدّها =إن زوّعت كالصقر خلف القطا طار
(و)لزيارة ديرة أهلك الرحال اشدّها =وكرمى لأهل الديار الديار تنزار
إن غيبتي طوّل عليكي أمدها =مجبور بغيابي كنت غير مختار
هي صحّتي رغم الطبابة (و)جهدها =عادت تناورني وأحصي بالاضرار
كل يوم عن يوم(ن) همومي أجدها =تكبر وياما قصّر الهم أعمار
وما عاد عندي خطّة(ن) إعتمدها =(و)ويش العمل لا لقيت شور ولا شوّار
معالج يقول لي فالج (و)صبر بدها =وجرّاح ما يترك سوى المبضع خيار
واني المبضع منه خايف وأدهى =شو الحال ان المبضع على هالعقل جار
وشو نفع نفس(ن) حين تفقد رشدها =هذا المخلّيني (ب)هواجيس وافكار
من ربع قرن الدنيا جتني (ب)نكدها=شنّت عليّ الحرب من دون إنذار
ومرتين المأساة وصلت لحدّها=وطاول دماغي مبضع بيد جزّار
من غير إذن في الأوّلة لم أردها=في المعهد (ب)غربة بعيد(ن) عن الديار
من قبضته عا روحي الداء شدّها=غافل وقعت (ب)يد ملحد وكفّار
يدّه على دماغي حلف ما يمدها=وما كنت حاسب يكون غادر ومكّار
صفقة مع الشيطان قام وعقدها=وصفّيت حقل(ن) للتجارب ومضمار
وفي الثانية (و)يا ليتني لم أعدها=كرّرت غلطة عمر فيها المثل سار
في ناس حكمة علمها لم يزدها=ومن جرّب مجرّب شرب مر المرار
(و)لي مدة صامد عالوصب ما صمدها=أيّوب قبلي (و)لا جرى مثلها (و)صار
المقعد غدا سجني لآبد أبدها=مفتوح بابه لكن محال الفرار
من بعد أمّي اللي رعتني بيدّها=زوّجت بيّي (و)هوّ بالعمر ختيار
مخلّف لي اخوة أوغلت في حقدها=علّه يجيب لي خيّ عا خيّه يغار
وما كنت حاسب للحياة (و)حردها=حساب (و)لا حتّى كان بالبال خطّار
تقسى الشجرة عا مورّق عندها=(و)في بيت بيّي سنين أسكن بإيجار
واشوف نفسي بين ليلة وغدها =بديار لا لي أرض فيها ولا دار
وبالرغم من آلام نفسي (و)كمدها=(و)كسر الخواطر طب ما له ولا جبار
كل حاجة(ن) يطلبها عندي يجدها=أقرب وبالمعروف أولى والاكبار
نفسي ما في للمال قيمة عندها=ما لي بخزنة بنك ليرة (و)لا دولار
(و)باقي القلب رغم الليالي (و)كندها=صافي ذهب أربع وعشرين العيار
الله ما يضيّع على النفس كدّها=عالطيْب ربّاني (و)سعى فخدمتي وسار
وجدّي اللي ناره ما بيوم(ن) خمدها=يرحم ترابه كان للطيب معيار
بهذا الزمن دنياه ما حد حمدها=منها اللي مثلي دوم دايم على حذار
ان واجهتها حطّت على الصدر خدها=وان درت ظهري نشّبت فيه الاظفار
ان عبست بوجهي قلت هذا عهدها=وان ضحكت ارتبت (و)بعبّي لعب فار
وبالرغم من علّة الدوا لم يصدّها=الآصال عم تحسد عليّي الأسحار
وصفّيت بين الناس موضع حسدها=مضرب مثل فيهم للكبار والصغار
وان كان قلعة جسمي الداء هدّها=(و)قاعد على كرسي بدواليب سيّار
في مراد كبر النفس يفنى جسدها=الأجساد دوم ضحيّة النفوس الكبار
وكلما الدهر في وجهي ابواب سدها=أزداد إيمان (و)على النصر إصرار
أظلّ ثابت عا عقيدة اعتقدها=ورشق البلاوي مثل زخّات الامطار
ما همّني عيون المنايا أردها=الموت كاس (و)عالمخاليق دوّار
(و)ما هبت يوم من الحشود (و)جندها=وكيف أهاب (و)في الصدر قلب إسوار
ما همّني لساني وعُقد ينعقدها=بيدّي القلم يسطر مزامير واسفار
(و)ما همّني دائي ان عيوني وصدها=قلبي مفتِّح دوم والعقل بصَّار
مبصر وإن يغمض عيوني رمدها=تعمى القلوب (و)ما بتعمى الأبصار
يا رافع السبعة وناظم عقدها=يا خالق الدنيا سوانيد وحدار
يالله ي حافظ حيّها مع جمدها=ياللي لخاطر اليسألك دوم جبّار
تعين النفس عا فقد فلذة كبدها=اللي ضاع في بلاد الغرب حيف وخسار
(ل)يفقد فلذة الكبد يشقى بعدها=يمضي بقية العمر عايش عتذكار
فلذة كبد وخسرتها في مهدها=سيف الخيانة في مضاضته بتّار
عا فرشة(ن) عسرير ليّن وسدها=ومشوّشة افكاري ووجع راس ودوار
وعيت خلف ابواب يلمع وصدها=بجنب آلات(ن) لها اسلاك وازرار
وشاشة تحصي نبضات قلبي وتعدّها=وشاشة تحصي افكاري وترسم عالغرار
اليدّين والرجلين محكم قيدها=وتا يمنعو وقوعي مطوّق بأسوار
ظامي أطلب المي واعيى بنشدها=(و)كيس المصل في دمّي المي قطّار
وتاتي ممرضتي بعنّاب خدها=وشلاّل عالكتفين يهدل من نضار
بثوبها الأبيض وميّاس قدّها=مثل الملاك من السما عادني وزار
وعيون ترمي رغم ظاهر سهدها=قلب النسر المحال يُلمح بمنظار
وبسمة شفاء النفس فيها ومددها=مسماع في يدّ(ن) وفي يد محرار
تجلس إلى جنبي وراسي بزندها=تسند وتسقيني الدوا بكلّ إيثار
(و)عا عادة(ن) منّي جرت معتمدها=كلما بمشفى اوعيت أرمي استفسار
واسأل عن التاريخ مرة (و)أعيدها=قد ايش صار لي هين يا زهر نوّار؟
تاخد دقيقة صمت الغموض مدّها=وتتنهّد (و)من عينها الدمع نثّار
وتتمتم بكلمات تشرح قصدها=وكأنّها مع نفسها تعمل حوار
"يعين نفس علاجها لم يفدها"="ليش الهنا زيبق من اليد فرّار؟"
وتمشي وتجهش بالبكا من لهدها=وبالباب تتدعفر كأن دربها عثار
وياتي طبيبي والمشاعر يحدّها=ويلقي مواعظ أشعرتني بالاخطار
خلّيتها سرّك ونفسك تعدها=تشفى ورجاءك بالشفا كان غرّار
وأخفيت عنها داءك وأنت حدها=وداء الصرع أسود وما ليه دبّار
الأسرار صعب(ن) عالبرايا وأدها=لو رْميتها في بير ما ليه مسبار
ما عاد داءك سرّ عاللي تودّها=اليوم صار السر عارف بالاسرار
جابتك عالمشفى وراحت بلدها=(و)في وجهها ما للأحاسيس إظهار
والله يدري ما يدور (ف)خَلَدها=للآن لا سألت ولا زارت الجوار
لا يقتلنك الياس فوّاز عُدّها=لا كانت (و)لا صار كلّ الذي صار
عا عنقها لفّت حبل من مسدها=ولا شكّ بالمقلوب دولابها دار
لا تقتلك هذي الحياة وعُقدها=الدنيا طبعها دوم إقبال وادبار
ما كلّ حوّا مثلها في جحدها=يحيى الحلال اللي بنيّاته كثار
ويعوّضك ربّك عن ال تفتقدها=بفلذة كبد تنسيك حزنك والاكدار
ومن بعد أيّام(ن) مضت لم أعدّها=أخلوا سبيلي (و)صرت مفكوك الاسار
عاودت اشوف ال طال عنّي بعدها=وصلت ولقيت الدار صارت شبه دار
أخنى عليها ال من قبل عا لُبدها=أخنى وصارت بعد عُمّارها بوار
ما من مصيبة غير وطلعت قدها=ومعروف عنّي في الصعيبات جبّار
هذي المصيبة شفتها فوق حدّها=القنطار واوقيّة يشيلوا القنطار
وحسّيت نفسي قرّبت من لحدها=ما ظلّ غير يندقّ بالنعش مسمار
ومن صدمتي ما بين ردهه وردهه=اروح وأجي مثل اللي منه العقل طار
القلب عم ينده ومع كل ندهه=ينهال دمع العين عالنحر مدرار
افتّش زواياها وزوايا نضدها=راجف كأنّي واقف بقلب إعصار
علّي أجد لو ورقة نسيت تاخدها=ما طلعت إلاّ بخيبتي وكومة غبار
وتأكّدت غرزت بقلبي وتدها=بي غدرت وعن سبق تصميم واصرار
ال ما كان عندي شك في صدق ودها=في معصمي خاتم وفي إصبعي سوار
ووعدت أمام الله تخلص وعدها=للموت في صحّة ومرض يسر وعسار
بي غدرت وشدّ الدهر عا مشدّها=ومن حولي الأعوان عزّوا والانصار
الدهر سكّينه بظهري غمدها=ومن قبل قالوا لو صفا الدهر غدّار
لولا صروف الدهر وامواج مدّها=ما كان في صدري صدى منه وكدار
منّي سرقت مهجة حياتي وسعدها =وآمال عمري برجها اندكّ وانهار=
والنفس قد فتّ البلا من عضدها =ما كلّ مبلي عالبليّات صبّار
وخلّتني ضايع بين جراحي وضمدها=مصدوم باللي فيه تايه ومحتار
وفي بلاد قاسي زمهرير(ن) بردها=أعوام أبرم بالمدن برم طفّار=
كلّ شغلتي دُور الحضانة ورصدها=ودموع عيني ملفتات(ن) للانظار
أدوِّر وجوه الشّبه في حشدها=الله يعين اللي مضيّع له حوار
هالت رفاقي حالتي (و)مستجدّها=قالوا نحسبك صرت ساكن بالقطار
كلما أتت فرصة رحالك تشدّها=وتطلع تراوي ظلمة الليل بسفار
صارت مشاويرك كثير(ن) عددها=وباكي لنا ترجع بعد كل مشوار
ومثل ال يدوِّر حاجة وما وجدها =تعاود تدوّرها عبث عدّة امرار
يكفي لنفسك بالأسى تضطهدها =في حالتك منّا العقل تاه واحتار
داءك تحكَّم باليسار (و)يهدّها=ونشوفه ملحِّق يمينك باليسار
ها غرفتك من سوء حالك وجدّها=صارت محجّة للمسعفين ومزار
الذكرى الأليمة من حياتك اطردها=أسدل من النسيان عاللي مضى ستار
(و)كيف أنسى والقلب مرتقدها =وما بين أضلاعي فلكها والمدار
وكيف ما برمت عيني أراها وحدها=كأنّ بوبّو العين ل رسمها اطار
وما تمرّ لحظة غير ما أفتقدها=وتجري الثواني في شراييني جمار=
عايش على باقي أمل أستردّها=ومن كل حبّة من الأمل أجمع غمار
وناطر خبر أيّه خبر في صددها=وللسّاع ما جاني بريد بخبر سار
ومع كل يوم(ن) ينقضي عا فقدها=يبني اليأس بيني وبين الرجا جدار
يا خالق الخلقة (و)تقوم بأودها=يا رازق الحيّة وهي داخل الغار
ديار الشقا ولو حتّى جنّة خُلدها=كانت بعين ذل اللب بتظلّها قفار
خصوص(ن) إذا شاب الجهل معتقدها=واصبح بعين الناس فيها الفقر عار
يا رافع السبعة وناظم عقدها=يا خالق الدنيا سوانيد وحدار
الصرع غولة أفلتت من زردها=من ربع قرن (و)يقدح بمخّي شرار
مُدّة نصف عمري وما من يردّها=وما مصلح(ن) ما أفسد الدهر عطّار
وما فادني طب ووسيلة اجتهدها=ولا فادني في الصيدليات عقّار
وخايف عاعقلي وكلّ رعدة ارتعدها=ألقاه يعزف لي عا حسَّاس الاوتار
يا رب منَّك قوّتي أستمدّها=ياللي لعورات المؤمنين ستّار
روحي أمانة الأمانة تاخدها=من قبل ما العلّة على العقل تندار

ضااميةالود

أهلا هلا مليون وعدة بردها=ومن مثلهن وإعداد زخات الأمطار
وإعداد خط ٍ بالجرايد فرد ها=وإعداد حرف ٍ كتب لي بالأسطار
ياكن عيني دامعه من رمدها=وياكن جفني داخله شب شنذار
جتني افكار ٍ في ضميري حشدها=فواز حيث ٍله بالأشعار تذكار
باعث ردوده والقصيدة سردها= قاف ٍ امكرر مافطن له ابتعبار
ماهي ابكثر القاف وكثرة عددها=ماقل دل انصار للشعر سمار
وإلا إمتحان ٍ لي يبقى وكدها=ونظم المثل ما يستوي لعبة القمار
وان كانه بامردودهذا مردها=لا تهض المحزون ولا تضرب الطار
أسند بيوت ٍ صاغها وإعتمدها=وحروف للدكتور جزلات وخيار
بليا صغر يا الوايلي من بددها =يا من بوايل منسبك نسل الأحرار
و أنتم من اللي ياقفون ابشددها=ياصاح صياح الضحى والدخن ثار
يا فزعة اللي ناحله من جهدها=ومن صكته دنياه له عندكم دار
يارافع ٍ سبع سماءٍ بلا عمدها=يا رب ترحم من عليه الدهر جار
ما في يده حيلة تفرّج اعقدها=مثل الذي حده سنا النار للغار
أومثل من بالكون تندب ٍسعدها=تطلب ولي العرش هو خير نصّار
صارت كسيرة قومها ما بعدها= وأستنجدت باالله قصاف الأعمار
وصلاة ربي عدالشهايد شهدها=علي النبي المختار هوسيد البرار