اطلالة لمصافحة رقي مشاعركم..
هنا اجد القلوب اكثر طيبه..\
مودتي..

=صباح الشمايل

جيته وشوقي في عيوني رسايل= دمعة غريق(ن) تله الشوق تلي
صفحة شعوره جرح ماضي هوايل=من زود حزنه هله الوقت هلي
حظ(ن) يا شينه كل ما هل مايل=في وجه فرحي سل خنجره سلي
ولا حصل له مر مرت جمايل =مزن(ن) مروره بل صحراي بلي
والمشكله قلبي تحراه وايل=عزيز قوم(ن) شرف الدار حلي
حلم(ن) غفيته فز دمعه مسايل=فزت عليل(ن) فله الجرح فلي
واصبح قليل الحظ ذنبه فضايل=طيب(ن) ضناه الجور صده تبلي
بسباب خل(ن) وينه اليوم شايل=على حبيب(ن) عله البعد علي
يبكي على فرقى صباح الشمايل=رعبوب صوته شل ضحكته شلي
شلة رقيق(ن) هايل الصوت هايل=ما خذ غيابه .. جرح قلبي .. تسلي
وانا على نية شعور سهايل=ما قلت بعده .. صد قربي .. تخلي

=العاااازف