إيه ودي أكتب اللي عاد فيني من مشاعر=والذي فيني لك أكبر حيل من كلمة أحبـــــك
وأذكر إني كنت في ماضي الزمن يا بنت شاعر=في غلاك أكتب معاناتي قصيد بوصـــــف حبك
راح مثل الأمس يومي والرجا في وجه باكر=وصرت أخاف أسكت وعمري ينتهي ما ذقت قـربك
آه مدري كيف أعيش إن صار ما للحزن آخر=وين أروح إن كان ما لي درب ثاني غـــــير دربك
إيه أبي أنساك لكن ليت عندي قلب قادر=يكرهك ولاْ يطيع إن قلت له لا يعتـــــرف بك
وأذكر إني عاشق أحبك بصدق وقلب طاهر=اختنق لو تخرجيني لحظةٍ من وســـــــط قلبك
اعذريني لو نويت اليوم للفرقا أهاجر=رغم إنك في عيوني أكبر من إني أحبــــــــك