من الأرشيف والماضي الحاضر
ولقلوبكم الطاهرة .. اضعها بين ايديكم
وآمل ان تحوز على رضاكم ..
لكم احترامي وتقديري...

تدري إني في حياتي شخص غيرك ماهويت=ولارغبت ولا شقاني غير قلبك بالحياة

ولو تدور في حياتي شخص ثاني مالقيت=دام حبك مستحله بالمعاني والصفات

لو أعبر عن شعوري في كتابة ألف 00 بيت=ماتوصف هالقصيدة ربع مالك من غلاة

في غيابك يشهد الله ما سليت ولا نسيت=مانسيتك لو دقيقه وافيٍ لك للممات

ماقويت البعد عنك مخلصٍ لك ماقويت=وفي غيابك مايسعني كل رحبٍ في الجهات

لو يصدون الخلايق والله إني مادريت=همي انتي يابعد روحي وحبي يا مهاة

بعت هالدنيا ولكن يكفي إني لك شريت=مذهلتني في وصوفك حتى في لبس العباة

لا ضحكتي ترد روحي ولا تبسمتي حييت=وترجع النبضات فيني وأشعر بطعم الحياة