أنا لي زمان ولا لفاني خبر وطروش=من اللي من أول كان يرسل مناديبه
وذا الليل جاني علم والهوش وسط البوش=تقدم به المملوح في شكن و ريبه
فرحت و حزنت و جرش القلب تسع جروش=وقام الهوى من ميلة الحظ يومي به
أنا مرتبش بالحب لو ماني بمربوش=كما ربشة اللي هبلوا به معازيبه
وألا يا هل الغرام رحتوا طعام جحوش=مدام الهوى كل المهبل تهذري به
ترى الحب سر ولا يومن عليه خدوش=وترى الخدش خدش يودي العلم و يجيبه
يسوم الحكي بالقرش لو ما معاه قروش=ولمن سمع له علم عود يغني به
ولا كل من ناوش على العاليات ينوش=ولا كل من يوعد بميعاد يوفي به
ولا كل سيلن لا أنتحى في الشعيب يطوش=وعذرك على اللي طامعن في غثاريبه
ولا كل من هاوش دسم لو عليك يهوش=على نعم وإلا قالوا الناس والخيبه
ولا كل من جرب نقش في الكتاب نقوش=بعضهم يعيش ولا تفيده تجاريبه
ومن عيشته بالغش تالي الزمن مغشوش=يعيش و يشوف آخر نتيجة ملاعيبه
بيوتن طرت والفكر من بدعها مدووش=على قاف ما نجهل بفنه و ترتيبه

شرفني المرور بهذه البااااسقه
سلمت يداااااك التي صاغتها
صح لساااانك مدد بلياااا عدد
تقديري واحترامي لشخصك
وبوحك الراقي
ذكرى الغالي