هَجرك تِقل ( حاكـم ) وجَايـر فـى البِـلاد=وصبري تِقل ( شعـب ٍ) , يهـدد لا يثـور !
الـصـد طــال ونرتـجـي مِـنـّك وداد=وحـال المولّـع مـن حـدور إليـا حـدور
صبرت ,, مير الصبر ,, لا ما شـوف فَـاد=مـع غيبتـك , دمـي مـن أشواقـي يفـور
خِذهـا مـن أعماقـي وإخـذ عِلـم ٍ وكــاد=هَجـرك ظـلام وشوفتـك يازيـن نـوور !
أشـوف طيفـك يالغضـي صبـح وهجـاد=وأشتاق لك مير أنـت ! فـي صـدك تجـور
جِسمي نحـل بعـد ( الهجـر ) والهجـر زاد=ماعـرِف عشـا ولا ّ غـدا ولا ّ فطـوور ,,
شِفُ تحت عيني ( حزن , وإرهاق ) وسـواد=ذِكـراك تسهرنـى إلـى أوقـات السـحـور
ما ذاقـت عيوونـي تـرى , طعـم الرقـاد=غيبتكَ هذي , ( ليّنـت ) قلـب ٍ جِسـور ,, !
مـات الأمـل ويـاي , وأعلنـت الـحـداد=وصوت الوصل مبحوح .. يا صمت القبوور ,
ذاك الغـلا لـو مـات ,, بسيـوف العـنـاد=إعرف ترى ( الجانين , صدك / والغـرور )
ليت الوصـال يعـود ,, يـا نبـض الفـؤاد=أوعدكَ ماقصّر ولا أبـي لـك قصـووور ,
(( أسمع عـن الضيقـه قبـلَ فـي كـل واد=واليـوم ! لا والله ,, جرّبـت الشـعـوور ))