لا تحسبنـي ياعزيزي معاديـك=لا للمكر في منهجي مـن شريتـك
ثمّن وراع الصاحب اللي يراعيـك=لولا ان قلبي صادقٍ مـا حويتـك
لا يلعبون برأسك النـاس وشفيـك=ماخذ علي موقف وانا مـا بليتـك
كدرت نومي حيل يومي مصافيـك=وياما نصيتـك للأسـف مالقيتـك
اترك كلام الناس واسمع بحاكيـك=ان كان تبغانـي عزيـزي بغيتـك
كلن يغني ليل يا عيـن مـا ابيـك=وانا على درب الوفا مـا نسيتـك
هذي طبوعي من سنيني واحاتيـك=مالك ومال النـاس لمـن خويتـك
كانك على جرحي تـدوّر معانيـك=ما للمحبـة طعـم ثانـي فديتـك
مد التواصل حيث انا اجيك وارضيك=وان كان ما تاثق فلانـي نصيتـك
هذا خضوعي في محبـة معاليـك=لو تفهمه لجـل المـوده رجيتـك