اتمنى ان تحوز هذه المتواضعه على رضاكم واعجابكم

ولكم التقدير والاحترام,,,

دام القواف جنود وآنا إمبراطور=بامر واسطر جزل الأبيات تسطير
بجلي ظلام الشعر في شعة النور=وأضوي دروب الشعر في خير تنوير
مال الشعر في وقتنا اليوم جمهور=نوم الهنا / يا شعر.. تصبح على خير
أول أراض الشعر تنبت لنا زهور=واليوم نبت الشعر حنظل وشرشير
من أول ٍ بالشعر مغرم ومجبور=واتعب على نظم المعان الأباكير
وش فايدة لا كنت مبدع ومغمور=واغلب نجوم الشعر دون الشواعير
أمس الشعر جزل ٍ ولا منه قصور=واليوم شعار البلد بالطوابير
ابياتهم مابين تافه ومكسور=وإلا يقول أبيات من دون تفسير
يكتب كلام فاضيٍ مابه شعور=لاقاف لامعنى ولابه تصاوير
هزيل شعرٍ بس بالزيف مشهور=ومن الجهل يطعن بشعر المشاهير
ساد الظلام وليل الأشعار ديجور=وتخالطت ورد الخطا والمصادير
من هو يوصلني لقاتل وماجور=بكسب ثواب الشعر وأقتله تعزير
يكفيه ما جاله من الظلم والجور=وهو الذي صور لنا المجد تصوير
صوّر لنا أمجاد في ماضي أعصور=وعبّر لنا بدق التفاصيل تعبير
هذي جزاة الشعر ينذل مقهور=بيدين ناس ٍ مالهم فيه تقدير
لامن كتب يكتب خرابيط ويخور=يقول لو ماله مع الناس تأثير
تبلوا ّ القيفان جهّال وبزور=ما يعرفون المارده والمصادير
لا ألقى يهايط بالخلا عايش الدور=كنه نطح من دون ربعه طوابير
ملطخ ٍ وجهه كريمات وعطور=حكيه غنج مثل البنات الغنادير
لوني هجرت الشعر بكون معذور=ولا احتاج أقدم بعد هذي معاذير