السلام عليكم ورحمة الله وبركاته
هذي قصيده للشاعر سعود الشبرمي
مدري اشيلك شعر و لا أغنيك *** من فرحتي .. تاه الكلام بلساني
نسيت لا رحّب و أهلي و حييك *** مدري وش اللى من نظرتك غشاني
اخجلتني فى جيتك من حسانيك *** و حضورك اكبر من بساطة مكاني
فتحت بيبان الحشى و الشبابيك *** يا دهشتي .. حبي مواطي زماني
خذ راحتك كل المحانى متاكيك *** تفداك يا نبض الخفوق المحاني
الله يا حر الوله فى اياديك *** ذوب تباريح الشعر فى كياني
بصب لك كل المشاعر و قهويك *** أروع قصيدة .. امطرتني تهاني
ادري .. تراجف للقصايد امانيك *** و ادري تحب تشوف شاعر يعاني
تبي القصايد .. او تبيني اناجيك *** ببيات ارهف من سحابة حناني
على العموم بكل الاحوال يمديك *** يجيك كل اللى تبى فى ثواني
يا سيدى تأمر و انا أقول لبيك *** اليوم يومي .. و المحبة تفاني
قصيده للشاعر سعود الشبرمي