البارحة ساهر والدمع يجري *** والقلب حزن على فرقى حبيبه
كريم يابارق ينوض حدري *** واللي سرى بالغداري يقتدي به
والى ضرب وادي خلاه يجري *** عسى طروش البوادي ترتوي به
متخفي لابس له بشت بدري *** حسبي على البشت واللي غرني به
يامدرج الساق حالي منك مبري *** بري النجاجير عيدان صليبه
ابو قرون تغذى بالشمطري *** مثل السفايف على كور النجيبه
ابو عيون الى دلت تخزري *** ترمي بالاسباب ويل اللي تصيبه
ابو خديد يشادي نجم فجر *** والا القمر لاانتحىيبغي مغيبه
ابو نهيد كما الفنجال زبري *** ويمزع الثوب من حال غصيبه
ياليتني عالم بالغيب وادري *** عن غض الانهاد من هو من نصيبه
ياليتني حايف ويقال خبري *** انهب صخيف الحشا ثم اغدي به
من طاب لي طبت له والكل يدري *** واللي يتغلي علينا وش نبي به
ان مت حطوا بدرب البيض قبري *** تكفون حطوا على قبري نصيبه
يا من يرد الحبيب وياخذ اجري *** قفا بلا سبة ربي حسيبه
ماقدر الله على المخلوق يجري *** والعبد لزما ترى ياخذ نصيبه
وا قو ما صابني وا قو صبري *** لعل ما صابني منه يصيبه
يا الله طلبناك مغني كل فقر *** كل على قدحاله تعتني به
الشاعر : المرحوم سليمان بن شريم