لقلوبكم مع التحية اقبلوها على تقصير مني
يا طيف شفتك في شموخك تمكنت..
في داخلي حتى بديت أسأل الذات..
انا على ما قيل واضح معك وانت..
غامض وتجبر عثرتك بعض الابيات..
مرات اشوف انك عشاني تزينت..
وانا عشانك صرت اصيغ العبارات..
يعجبني عنادك واحس انك ادمنت..
وانا بديت اجني من عنادك آهات..
لكن تأكد بأعتبر كن ما كنت..
ان ما صدقت وخافقي بالرضا بات..
انا رجل للي حصل بيننا صنت..
لأني نسل لابه على فعلها اثبات..
أحسنت في وصلي وفي هجرك احسنت..
ماظن بعد أحسنت واحسنت شرهات..
هذا انا في وصف حالك تفننت..
أثبت لي ابداعك بدون استعارات..