الله خلقني بنت واقدر اجاريك
,,,,,,,,,,,,,ببيات شعرٍ نادرات الوجودي
واعرف ترى يازين ماجيت اباريك
,,,,,,,,,,,جيت اسالك بالله وابغي الردودي
وشلون تحسبني انا اليوم ماابيك
,,,,,,,,,,,والحب اشعل من فراقك وقودي
واكبر دليل اليوم اقبل تماديك
,,,,,,,,,,,,,وادعي عسي ربي يجيبك تعودي
واتحمل اغلاطك ولاكني اوحيك
,,,,,,,,,,,الين تفهمني وتحفظ عهودي
ماهو رخص بالنفس,لاشك اداريك
,,,,,,,,,,,,مادمت شاريني وتكره شرودي
وكانك علي الصده تحثك هقاويك
,,,,,,,,,,,,ماظنتي نعطيك شفع ٍ لجودي
لاتحسبنـي لعبـتٍ بيـن اياديـك
,,,,,,,,,,,,,,,مره تواصلنـي ومـره صـدودي
وان كان حارت صورتي بين عينيك
,,,,,,,,,,,ماني مع اللي في عيونه جحودي
والصده اللي تنبعث من معاليك
,,,,,,,,,,,,,مع كل صده في طريقك حيودي
والقصد لك واضح وضوحه يناديك
,,,,,,,,,,,,,,والحر يفرق بين باز وجرودي
طيفك غدى كنه مضيع اراضيك
,,,,,,,,,,,,,,سحابةٍ عدت ومرت رعودي
ولاتحسبني جيت ابخضع لماضيك
,,,,,,,,,,,, ماينحني راسي لغير السجودي
حره انامن طي والعلم ياتيك
,,,,,,,,,,ماجيتك الا في عزومي صمودي
واعرف ترى حللت منهج مباديك
,,,,,,,,,,,,,ياللي غلاك اليوم اصبح برودي
والموت لاماتت مشاعر تواليك
,,,,,,,,,,,,,,مشاعرٍ صارت عديمة وجودي
شموخ شمر