أقبل يحرك خطوة الرجـل برفـوق ,,,,,,,,,,,, والقاع لمصافـح اخطـاه يتشـوق
مخلوق لكنه مهـوب أي مخلـوق ,,,,,,,,,,,, علـى بنـات آدم وحـوا تفـوق
عليه لبسٍ يجمع الوسع والضـوق ,,,,,,,,,,,, موسّعٍ بعضـه وبعضـه مضـوق
مر وتعدا مـا بـدا منـه منطـوق ,,,,,,,,,,,, ألا بجيش مـن المفاتـن مطـوق
خلاني أمشي واقضب الدرب واتوق ,,,,,,,,,,,, ما ني بتايق عقـل لكـن متـوق
تقول مرميٍ على الأرض من فوق ,,,,,,,,,,,, وألا من السم السقطـري مـذوق
يغشى علي شوي وشـويٍ أفـوق ,,,,,,,,,,,, وقـول لاستيقظـت والبـال روق
مادام لا معوق ولا صايبـه عـوق ,,,,,,,,,,,, وراه يمشي مثل مشـي المعـوق
اللي على حاله خطر من هل السوق ,,,,,,,,,,,, مفروض يمنع ما يـروح يتسـوق
للشاعر حمود لافي الغيداني الحربي