يا قمر يا من تعليت فسماك
وصارت نجوم الثريا تهتويك

بنشدك من وين تاتيبه حلاك
كل هذا الكون متلهف يبيك

كل لوحه تاضي بحضرة بهاك
وكل صوره تنتعش بك واتحييك

وكل ليل(ن) يرتجي منّك ضياك
وكل صبح(ن) دمعته توله عليك

وكل أرض(ن) ترتجي تربة ثراك
وكل بحر(ن) ما تجيله هو يجيك

وكل شاطي دون نور(ن) من غواك
باهت(ن) لونه يحن ويشتكيك

وكل شعر(ن) ذاق من كاسك جفاك
تبكي حروفه اتّمنى تحتويك

كن كل الزين ياخذ من عطاك
وكن عيون الناس مخلوقه اليك

يا قمر .. ما ودّي أكسر كبرياك
بس لازم تسمعه قول ايعنيك

يا قمر .. مهما تعاليت بحلاك
شامة(ن) عاخد خلي تعتليك