المشاركة الأصلية كتبت بواسطة شموخ وايل

اول مداخلة لي بهذا الصرح الشامخ اتمنى يصل ذائقتكم واستحسانكم ....سأتجرأ لأنثر ورودي هنا ان اعجبتكم فـ لله حمداً كثيرا وان .....؟؟؟؟ سيبقى اريجهاااا ...!!

صرت اتباهى بالنسب وسط الاوطان
وأصل الحقيقـه بالفعايـل يا زينـه

هـذا أنـا شهامـة رجـال ويـلان
بنت الوفـا واللـي يبينـي اعينـه

لاهو غرورٍ يجمع إنسـان لإنسـان
ولاهي حروفٍ في قصيـدي رهينـه

بنت البدو ماتنحنـي صيتهـا بـان
ورى الجـدي وسهيـل درة ثمينـه

لايكثر الأزعـاج والخـوف يافـلان
اسمع صدى قلبـي ولوعـة سنينـه

ركز معي تلقانـي حـروف وجـدان
كلي وفـا وأشـوف أبويـه بعينـه

أجمع شتات الوقت في صمت الأحزان
وحبك بوسط الروح كافـي حنينـه

شفني قريبه منـك يانـور الأعيـان
صرخة وجع وأشواق قلبـي حزينـه

هـذا أنـا شهامتـي روس ويـلان
أهل الفعل والعـز وناصع جبينه