:::..
يا ساعي الأحزان..
بالله شف.. بالله شف..
بالله شف لي هو بقى لي في هواها شان.. !
بالله شف لي هو بقى للورد ذا أغصان.. !
بالله شف لي هو بقى للبرد ذا أحضان.. !
:
يا ساعي الأحزان..
هو قدرنا تحتوي أصواتنا الحيطان.. !
هو صحيح الحزن ذا ما يعترف بأوطان.. !
ولا أنا غلطان..؟!
:
يا ساعي الأحزان..
هي قصرت في وصلها.. !
أو منك التقصير.. ؟!
هي صحيح تأخرت.. !
أو منك التأخير.. ؟!
هي بعدها تضحك كثير.. ؟!
هي بعدها تسهر كثير.. ؟!
هي بعدها لما تنام
تتحلم بإنْها تطير.. ؟!
هي نامت أمس بخير.. ؟!
:
يا ساعي الاحزان..
شف دمعتي.. شف لوعتي..
صندوقي البردان..
زوره ولو أحيان..
زوره ولو أحزان..
زوره ولو.. حرمـــــان..
برضو أنا إنسان..
برضو أنا أنسان..
يا ساعي الاحزان... !.