شبكة الشموخ الأدبية - عرض مشاركة واحدة

خـالـد الـشـمـري · 11-03-2010, 09:36 PM

السلام عليكم ورحمه الله وبركاته

كل الشكر علي الموضوع الجميل

اختيار موفق فعلا للطفوله ذكريات

بسم الله وعلي بركه الله

1_ماتسلسلك بين اخوانك؟

الثالث بين 11

2_عشت طفوله مستقره ام متوتره؟

مستقره وهادئه ولله الحمد

3_هل كنت طفل أكول(تحب الاكل كثيرأً)؟

نعم لدرجه اني أكل نصيب اخي

4_هل كنت مشاكس(مشاغب) أوهادئ (طيوب)؟

مشاكس جدا وامي تأذت مني جدا جدا

5_أكثر الأماكن ياخذك له امك وابوك؟

حديقه القصر الاحمر

6_حلم طفولتك شنو كنت تتمنى تكون لو كبرت؟

مدرس رياضيات

7_لماكنت تروح للبقاله إللي جنب بيتكم شنو الشي دائما تشتريه؟

ابو النجم المثلث كاان غرامي

8_لما ماما تقول لك ابي اسبحك (اليوم تتروش)شنو شعورك تجبي أو تستانس؟

والله كانت تسبحنا غصب مو طيب

9_ماهو شعورك اول يوم الدراسه؟وشنو صار معك؟عالم جديد بالنسبه لك؟

هذا اليوم مستحيل اني انساه : كان عمري بيومتها خمس سنوات وتسع شهور اي ناقص عمري عن زملائي ورغم ذالك درست ولله الحمد

من كثر شوقي للمدرسه ذهبت اناا وامي مشي للمدرسه لانها كانت قريبه جداا من بيتناا ولما وصلت باب المدرسه ركضت بسرعه كبيره وتركت امي دون ان اودعها

وذهبت للطابور وقمنا بالانشطه الصباحيه وعندما اخذنا المدرس الي الفصل لم اجد شنطتي !! دورت وما لقيت وتذكرت انها كانت علي ظهر امي الحبيبه

فخرجت بره المدرسه ووجدت امي جالسه علي الرصيف تنتظرني ومعها الشنطه طبعا طراقين علي الخفيف

10_ماهو حيوانك المفضل في الطفوله؟

الحصاان

11_اذكر موقف محرج صار لك ولما كبرت دائما تتذكره وتضحك على نفسك؟

الموقف المضحك المبكي استيقضت يوم الخميس الفجر وذهبت الي ساحه كبيره ابحث عن بطل أرسي (( أرسي قبل الغزو مسوين جوائز تحت الغطا تفتح وتشوف شنو يطلعلك ))

ساعه وانا ابحث بالبطوول ولقيت بطل يابس من الشمس شكله صارله فتره محد مسكه المهم يالله فتحته وكالعاده حاول مره اخري المهم ولد جارنا يقول دشداشتك كلها دم من تحت اثاري البطل منشق وشق ركبتي وانا والله

لا اعلم عنه المهم رحت ابجي لمي وقعدت ابوي بيوم اجازته وذهبنا للمشفي وتم عمليه خيااط وعطاني ربع دينار بيومتها (( رضاوه))بس تعذبت وقتها من الخيااط

كل ما اشوف ركبتي الي يومنا هذا والله اني ابتسم واسترجع ذكري الطفوله الجميله

12_منو كان يحبك أكثر ويدافع عنك أمك او ابوك؟

امي الغاليه (( اشتقت لها وانا بغربتي ))

13_أكثر لعبه تحبها وتلعبها؟

التيل وكره القدم

14_منو كان يضربك بالطفوله وتضايق منه على شرط بعمرك؟

بعمري لا يوجد كان ولد جيراننا اكبر مني ويضربني

15_كيف هي علاقتك مع أخوانك كلاً على حده اولاد _بنات؟

كل احترام وتفاهم وتقدير

16_منو الشخص اللي كنت تخاف منه وتعمله الف احساب؟

ابوي واخوي الكبير مليون حساب

17_ماهو أكثر الاماكن اللي انت تحب تروح لها؟

القصر الاحمر وبيت خوالي

18_كنت طفل إجتماعي أم انطوائي؟

اجتماعي مع جيراني وعيال الحته

19_ماهو اسم الدلع(طبعا اذا راضين عليك)وإذا صار العكس؟(يعني المعياره)؟

خلوود _ ابو بطنين

20_إذاكان عندك حلويات تعطي أخوانك معاك؟يعني(بخيل أو كريم)؟

اعطيهم وارجع اكل معاهم يعني جني ما عطيتهم

21_كان شكلك حلووو أو احليوو أو جوكر ماتنبلع؟ههههههههه

كنت مزيون الحته

22_ماهي الهوايه اللي تحبها ونَمت معاك الى حد الكبر؟

الاكل هههههههه حسابه الارقام بشكل عام الرياضيات

23_ماهو الشيء اللي سويته وندمت عليه لما كبرت؟
موقفين:

ندمت اني درست الهندسه

فلقت راس ولد جيراننا والله اني للحين ندمان وانشاءلله انه سامحني

24_هل كنت متفوق بدراستك وإي مقعد تجلس؟

متفوق ولله الحمد وكنت اجلس بالصف الثالث او الرابع لكثره الطلاب

25_هل كنت مدلل في طفولتك او لا؟

لا لان الابن الاول له حصه الاسد وحنا تناتييف بالدلالال

26_ماهي الاغنيه او النشيده تحفظها بطفولتك ولغاية الان؟؟؟

والله لا اذكر شئ الان

27_كنت طفل مغرور أو غيور؟

كنت اغار من اخي كثيراا

واسف علي الاطاله وهذا جزء من طفولتي

اختي مسيوبوتامياا شكرا لانك اخترتيني ورجعتيني الي احلا الذكرياات

كل الشكر والتقدير للموضوع الجميل

وتقبلوا فائق احترامي