انتبهت لدمعها بالهدب..والكحل سال..
لين جفت عينها دمع..والقاع ارتوى..
وابتدت لحظة جفا..وانتهت لحظة وصال..
وانطفى نور السعاده..واحسب انه ضوى
ماكتفيت من الهوى والغرام اربع ليال..
واقفت ايام التلاقي..وجا وقت النوى..
كنت ابسلى وابتسم..والتفت عنها شمال
لاقويت الصد عنها ..ولاقلبي قوى..
ماهقيت ان الهوى عذب قلوب الرجال
لين ضاع العقل مني..وتفكيري سوى
رحت ادور دفوة الشمس..ضيعت الظلال
جيت اطفي شعلة النار..والقلب انكوى
ماهقيت ان السعاده خيال في خيااااااااال
تروي قلوب الحبايب..وقلبي ماروى
كنت ابشتال الهوى..والهوى ثقل الجبال
وان تحملت الجبل..ماتحملت الهوى
كنت ابسلى بالهوى..والهوى صعب المنال
مارضالي حظي اللي..طواني وانطوى
قلت لأفراحي تعااالي... ولا قالت تعال
والخفوق ان قلت ابقبل على صدي نوى
الله اكبر..لاشرقت شمس يتلاها زوال
كيف ابفرح في صباح مع الليل استوى
لاحصل بالحب قسمه..ولاجالي مجال
غير اشوف معاند الجرح..وعناد الدوا
شبت النيران..وأقفت وجا وقت السؤال
ماتشب النار ياكود... يوصلها هوا..