قال الذي دايـم معـانيـه جزلات = مـثـايـل ٍ للـمستمــع واقعية
نصيحة ٍ لأهل النفوس العــزيزات = لأهـل الـوفــا والطيب والغايرية
اللي لهم في مـوقف الطيب وقفات = أهل الفخر والمـرجـلـة والحمية
وصية ٍ لأهــل المـواجيب مهدات = أوصيبهــا مــن يفتهم للوصية
تــرى التنافـس بينكم والحزازات = تـزيـد بالبغـضا وبالعــنصرية
وهـذا حرام وعيب ياأهل المرؤات = لا تزرعــون البغض والمكرهية
وترى التصافـي بينكـم والمساوات = وتوحيد كلمتكـم عـلـى طيب نية
يـزيـل عن كل النفوس الخلافات = وتصفى قلـوباً مـن زمان مغشية
وترى طريق العيـب مس الكرامات = لا تظلمون نفــوس ناس ٍ بـرية
ترى الحسد ما جود وإبليس مـامات = ومــن طــاوعه وداه ناراً لظية
والـدور هـذا غـير دور لكم فات = دور الحـضــارة غـّير الجاهلية
جتنـا تقـالـيداً جـديدة وعادات = عــادات مــا فـيها لنا منفعية
تبـي تنسينـا السـلوم الحميدات = يــوم ٍ كـل ٍ يلتزم قي خويه
والجــار له عند الأجاويد شيمات = محشــوم عـن كل العلوم الردية
والضيف يكرم بــالبيوت المبنات = بسم الكرم والجــودة والمعـنوية
هــذي عـوايدهم سنين قديمات = يوم ٍ كل ٍ عـيشتــه شلـفحية
واليوم أمان وشعب واحد وخيرات =مـن حـمـد ربي عايشينن سوية
لكن نبي الولفة وحسن المصافات = ونهي ٍ عن المنكر ودرب الخـطية
وعـن التناقـض والعلوم الرديات = والكـذب والباطــل وهاذي وذية
والمهزله وإعلان بعـض الدعايات = وكشف السدود الماضـية والخفية
وقولة يقولونه وجمــع الروايات = والغش والتحريض شــر ٍ وسية
نقص ٍ بحق اللي حكو فيـه بالذات =هــرج القـفا ما فيه كود الاذية
واخطاء بني آدم عـراض ٍ طويلات =وعوج السوالف مــالـها قابلية
أن قلت ابا حصيها تضيق الملفات =ولا يكمل الدعوى ملــف القظية
لا شك ماليه ورا الـناس طـلبات = الـنـاس كـل ٍ رايح ٍ في نوية
بينت بالموضوع بعـض الاشارات = عسى هل المعروف تـرضـى عليه
وإعــداد مـا خط القلم بالسجلات =صلوا على المـبعوث نـور البرية