باسم الوفاء والحب السلام عليكم ورحمة الله وبركاته
أهدي لكم احدى قصايدي عسى ان تنال على رضاكم وذوقكم الراقي :

سجلت من رمز الوفاء عدة حروف=حروف تحويها الوفاء والمعرفه
حتى حوت قلبي ملفات اولوف=كلن ملفه تحت حرفه اصفه
واقول لامنه حوى قلبي الخوف=كلن بيمنايه سحبني لصفه
ولايضيع من بين الرجاجيل معروف=والطيب وافي دون لانقول وفه
لكن حقيقة بالطرب صفقة كفوف=وعقول في وقت العزم مستخفه
وزرعن زرعته صار ماهو بمخلوف=والعين عيت دمعها لاتكفه
والهم والهاجوس يلوفني لوف=ولتف في وسط الحشاء كم لفه
وجلست اقلب بالملفات اباشوف=مالاح مخلوقن يشرف ملفه
اخاف من خبلن على الشر ملقوف=يقصر عن افعول الرجاجيل كفه
يشعل لهيب النار في داخل الجوف=ويزيد ضوء النار لاقلت طفه
لو جاك والعدوان قدامك اوقوف=لاشفت علمه قلت وجهك تضفه
والا الشدايد خيل ورماح وسيوف=وللعز بيرق والهبايب ترفه
انص الذي له مجد واضح ومعروف=هف القدم يم الرجاجيل هفه
ترى الوفاء والعز والطيب مالوف=لله در اللي مناته وشفه
والا المقدر لو على راس شفشوف=هفيت مابه شك وهي المهفه
هولبليت مانته باقرب الناس مكلوف=والشر عنك بقدر الامكان كفه