اعوذ بالله من الوسواس = ومن عالم اليوم مختله
من سب حب النبي دساس = جماعة الافك ربعن له
ياحسبي الله على الانجاس = أخلاقهم دوم منحله
الطاغي وجهه على الابلاس = وروس الكفر مالهم مله
خلوه ينبح مثل فراس = ومن ميلغه يالغ الذله
المؤمن مايصيبه الهوجاس= وربي مشرف رسول الله
صحابته كلهم نبراس = من اشرف الخلق واجله
العالم اللي بنا لأساس = عارف خمات البنا كله
خلق طوائف وناس اجناس = والدرب قدامهم فله
وصا بها الزارع الغراس = مايطفف الكيل يفطن له
امة وسط ومنهج بقياس = ومنارة العقل ما تظله
بأمر عدالة شديد الباس = محمد نذير البشر كله
من خالق الروح والانفاس = وش صنعتك وانت صنع له
الصدق من منبع الاحساس = ومن شغل الفكر ياصله