 بـــــوح المــشاعر..!!
تدري وش اللي يجرح القلب والروح
لامن عشقت انسان ماهو بيــدك
تصبح وكنك تخلط الجد بمـــزوح
وتلوم حالــــك فيــه لوهويـــردك
ليتك تشوف القلب والقلب مجروح
وتقدر اللـــي بالمحــــبه تـــــودك
اصعب فراق القلب روحن بهاروح
روحن يعذبهــا فراقك وصـــدك
ماينفع اللي كان اوكثرة النـــوح
والدمعه اللي فوق خدي وخدك
اقولها يازين والصوت مبــــحوح
ياللي غدت عنا ظروفك تـــردك
ودي اشوفـــك روحٍ بها بــــــوح
بوح المشــاعريالـــغلا كـــان ودك
ودي نعمربالهوا حلم وصـــــروح
ودي ولــكن ياحــســافه مــردك
واعرف ترى يازين ماانت مسموح
كانك نويت البــــعد نارا تهــــــدك
هذا كلام القلــب والقصدمصـــلوح
وماظنتي به شـــي غيره يشــــدك
تدري وش اللي يجرح القلب والروح
لامن عشقت انسان ماهــــو بيدك
شموخ شمر
جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
شموخ شمر - القسم :
منتدى الشعر الشعبي
- رابط الموضوع الأصلي : بـــــوح المــشاعر..!! |