حبيبتي عطر النساء نسمة مساء نور الصباح
ورد الربيع اللي شذاه يعطّر الكون البديع
حبيبتي أصل الشعور يصيبني منْه انشراح
احساسها من ساسها يتبع لها حسْن الصنيع
حبيبتي شوق ٍ يزود دايم يجود رغم الجراح
نبراسها من رآسها ينبع من الفكر الضليع
حبيبتي حب ٍ أكيدرائع سعيد صاحب كفاح
ينضح محبّه زائده مثل البحر قدره رفيع
حبيبتي بين البشر مثل الزهَر عطر ٍ وِفاح
تسلب عقولْ تعطي حلولْ ولأمرها قلبي مُطيع
حبيبتي لها قدرْ طول الدهرْ لها ارتياح
تأسر قلوبْ تمشي دروبْ وبْمشيها الخطوه تضيع
حبيبتي وهج القمرْ نهج العمرْ رمز النجاح
تبعث على البهجه إذا طرت على اللحظ السريع
حبيبتي أودّها لأنهــا ســت المِلاح
ماء ٍ قراح بنت الفلاح وآحبها بشكل ٍ فظيع
’،
’،
جوهر الراوي