في خاطري اكتب لك
حبيبي جيت اقدم لك هدية عيد ميلادك
وانا متأكد اني لو نسيتك مانقص قدري
ولكن قلت ادور اي شي يناسب اعيادك
تفحصت الهدايا لين ضاق بشوفها صدري
وقلت اشوف بعض الناس قبل يحل ميعادك
وش اللي من هداياهم يليق بوجهك البدري
بعضهم جاب ورد وشفت كل الورد مافادك
وانا اصلاً اعتبر من جاب ذاك الورد مايدري
لأن الورد لو مازاد بين يديك مازادك
تركت الورد واعجبت بثلاث(ن) جوك من بدري
هديتهم قفص وطيور قلت افـ عيد ميلادك
اسوي مثلهم واهديك طير(ن) في قفص صدري