شبكة الشموخ الأدبية - عرض مشاركة واحدة

توأم روحي · 09-26-2010, 04:22 AM

الشوووق
صباحك نور وبهجةوسرور

من بادي الوقت

من بادي الوقت وهذا طبع الايامي
عذبات الايام ما تمدي لياليها

حلو الليالي توارى مثل الاحلامي

مخطور عني عجاج الوقت يخفيها

أسري مع الهاجس اللي ما بعد نامي
واصور الماضي لنفسي واسليها

أخالف العمر أراجع سالف أعوامي
وانوخ ركاب فكري عند داعيها

تدفا على جال ضوه بارد عظامي
والما يسوق بمعاليقي ويرويها

إلى صفالك زمانك عل ياظامي
اشرب قبل لايحوس الطين صافيها

الوقت لو زان لك ياصاح ما دامي
ياسرع ما تعترض دربك بلاويها

حتى وليفك ولو هيم بك هيامي
سيور الايام تجنح به عواديها