ماغشتني أمي ّ .. يوم نصحتني
و قالت ..
لا تنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ما تجيك أحلام توحش
وما تقوم الصبح
مهموم .. وحزين
ماغشتني أمي ّ .. يوم نصحتني
و قالت
لا تفرط في صلاتك
ولا يغرك حب ذاتك
ولا يبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك
ماغشتني أمي ّ .. يوم نصحتني
و قالت
لا تصير إنسان جارح
إضحك بوجه الجميع
عامل الناس بتسامح
لا تفرط في حقوقك
لا تجامل في النصائح
ولا تثور .. تصير فاضح
وإن لمست عيب صاحب
لا تنافق .. ولا تصارح
وإنتبه من هالنصيحه
لاتصير إنسان غامض
ولاتصير إنسان واضح
ماغشتني أمي ّ .. يوم نصحتني
و قالت
إحذر .. أولادك ومالك
لا تجافيهم وتقسى
ولا تبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولا تغطي العين وتحلم
وتخدع الرآي بخيالك
ماغشتني أمي ّ .. يوم نصحتني
و قالت
إنتبه .. لا تبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..
ماغشتني أمي ّ .. يوم نصحتني
و قالت
إن وعدتَ وعد .. فاصدق إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولا تهين إنسان .. تندم
ماغشتني أمي ّ .. يوم نصحتني
و قالت
خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ما أنت خالد
رحلة الدنيا قصيره
تلقى نفسك في سلامه
ماغشتني أمي ّ .. يوم نصحتني
و قالت
إحذر تصير البخيل
واحذر تبذر وتطّغى
واحذر تعيش بخساسه
أو ذليل
ولا تنام بيوم خالي
لا تنام بدون لا تفعل جميل
تلقى نفسك في معزه
تلقى روحك في شموخ
عش أصيل
ومت أصيل
ماغشتني أمي ّ .. يوم نصحتني
و قالت
كل ما سويتْ فيني
أو في أبوك
تبي تشوفه من عيالك
بر فينا تلقى بِرك
يا عسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لا تدقق في خطاها
وإنتبه تكشف غطاها
تسعد بنعمة وفاها
وتلقى منها ما يسرك
ماغشتني أمي ّ .. يوم نصحتني
و قالت
لا تمل هموم حملك
ولا تظن الناس مثلك
واصنع أمرك من يمينك
لاتدور من يعينك
بين ربعك .. ولا أهلك
لاتعامل باللي تكره
ولا تجارم وإلا تشره
مما راق لي ,,,
الشوووق
lhyajkd Hld d,l hkwpjkd ,rhgj lhyajkd hkwpjkd d,l