العيد عاد وعوّد العيد يا سعود
وهذي عوايد ديننا يا بن الآجواد
العيد زاد وزوّد الخير والجود
هدية الله لكل مسلم بالإسعاد
العيد جاد وجوّد الود يشهود
عيد رمضان وعيد الآضحى للأشهاد
العيد فرحه بعد فرض ٍ ومجهود
العيد منحة رب الآكوان ينعاد
العيد فرصه سانحه ويوم مشهود
للعيد نفحه مانحه بكل الآبعاد
العيد صفحه ناصعه وعز معقود
والعيد شرحِه ساري براح واجهاد
العيد دامِح كل عذروب منقود
العيد رابح كل حاضر مع الباد
العيد فوز ٍ بالتواصل مع وعود
عودة فرحنا كل ما هلت آعياد
العيد نصر ٍ بالآواصر ومحمود
محمود من واصل جماعاته وعاد
الله يعيد العيد والكل مسعود
الله يعيد العيد للجمع ورّاد
وصلاة ربي عد الآزهار وورود
على نبي الرحمه من رب العْباد
وسلام ٍ من سنآ الآحاسيس ممدود
لكل مسلم عارف ٍ فضل الاجداد .!
:
جوهر الراوي
كل عام وجميعكم بخير